Avqustun 7-də azadlığa çıxan Azərbaycan Xalq Cəbhəsi Partiyasının (AXCP) Salyan Rayon Təşkilatının sədri Zamin Salayevin yenidən saxlanıldığı bildirilir.
Bu barədə sentyabrın 4-də fəalın yaxınları sosial mediada məlumat yayıblar.
Onlar Zamin Salayevin hazırda harada olduğunu dəqiqləşdirə bilmədiklərini deyiblər.
Rusiya Çernomorsk limanına və Qara dənizdə yerləşən gəmilərə zərbələr endirib.
Rusiya Müdafiə Nazirliyinin məlumatına görə, yük gəmiləri Ukrayna hərbçiləri üçün silah və döyüş sursatı daşıyıb.
Məlumata görə, Rusiya qüvvələri Kiyev vilayətində yerləşən üç logistika mərkəzinə də hava zərbələri endirib.
Bundan əlavə, Odesa vilayətinin cənubunda yerləşən liman infrastrukturu da hücuma məruz qalıb.
Cənubi Koreyanın Muju şəhərində 4 sentyabr tarixində parataekvondo üzrə ən reytinqli idmançıların mübarizə apardığı Qran-Pri keçirilib.
K44 kateqoriyasında 58 kq çəki dərəcəsində çıxış edən parataekvondoçumuz Sabir Zeynalov 1/4 finalda yaponiyalı Mitsuya Tanakanı, yarımfinalda tayvanlı Xiang Weni qalib gəlib.
Finalda isə braziliyalı Gustavo Ruppeli məğlub edərək turnirin qızıl medalını qazanıb.
İran Hava Hücumundan Müdafiə Qüvvələri müharibədə ABŞ-la İsrailin 370 təyyarə və dronunun məhv edildiyini açıqlayıb.
Bu barədə İran Hava Hücumundan Müdafiə Qüvvələrinin koordinator müavini briqada generalı Məhəmməd Sadiqiyan bildirib.
Onun sözlərinə görə, bu, qarşı tərəf üçün gözlənilməz olub, çünki onlar genişmiqyaslı hücum nəticəsində müharibənin ilk günündə İranın bütün Hava Hücumundan Müdafiə radarlarını məhv etdiklərini düşünürdülər.
Bu il iyulun 14-də prezident İlham Əliyev “İnformasiya, informasiyalaşdırma və informasiyanın mühafizəsi haqqında” qanuna dəyişiklikləri təsdiqlədi.
Dəyişikliyə əsasən, narkotik vasitələrin, qumarın və intiharın təbliğ edildiyi, pornoqrafik məzmunun, təhqir və əxlaqsız ifadələrin, eləcə də şəxsi həyatın toxunulmazlığını pozan məlumatların yerləşdirildiyi internet informasiya ehtiyatlarına giriş məhkəmə qərarı olmadan, müvafiq icra hakimiyyəti orqanının qərarı ilə müvəqqəti məhdudlaşdırıla biləcək.
Bir gün ərzində dünyanın müxtəlif nöqtələrində yerləşən 24 min müxtəlif məkanda bir milyondan çox hafiz Qurani-Kərimi xətm edib.
Bu barədə Əzhər İslam Mərkəzi Dünya Quran Xətm Gününə dair statistik hesabat yayımlayıb.
Proqramda 1 milyon 151 min 760 nəfər şəxsən iştirak edib, həmçinin minlərlə insan da canlı yayımlar və rəqəmsal platformalar vasitəsilə tədbirə qoşulub.
Atəşkəsə baxmayaraq, İsrail ordusu Livanın cənubunu hədəf alan hava hücumlarını, artilleriya atəşlərini və qurudan sızma cəhdlərini gücləndirib.
Livan rəsmi xəbər agentliyi NNA-nın məlumatına görə, İsrail döyüş təyyarələri Tirin cənubundakı Əl-Mənsuri şəhərinə bir sıra hava hücumları həyata keçirib.
Nəbatiyyədə Nəbatiyyə əl-Fəvqa şəhərinin sərhədləri və Devhat Kefr Rumman ərazisi İsrailin güclü artilleriya atəşinə məruz qalıb.
Litvada təlim-məşq toplanışında olan "Sabah" basketbol komandası növbəti yoxlama oyununda Böyük Britaniya təmsilçisi "London Lions"la qarşılaşıb.
Kaunas şəhərində baş tutan matç rəqib kollektivin 86:82 hesablı qələbəsi ilə başa çatıb.
"Sabah" ilk yoxlama oyununda Litvanın "Juventus Utena" komandasına uduzub - 84:89. Paytaxt klubu ikinci görüşdə bu ölkənin "Şyaulyay" kollektivinə qalib gəlib - 92:80.
Belçikada Black Fire adlı anarxist qrup Liège şəhərində İsrail Aerospace Industries (IAI) şirkətinin törəmə şirkəti olan BATS-in binasını yandırıb.
Fransızdilli ictimai televiziya kanalı RTBF-in verdiyi məlumata görə, İsrail silah istehsalçısı IAI-yə məxsus Liège mərkəzli BATS şirkətinin binası qəsdən yandırma hücumu həyata keçirilib.
Hesabatda bildirilir ki, hadisə Black Fire adlı anonim qrup tərəfindən törədilib və qrup BATS-ın IAI ilə əlaqəsinə işarə edib.
İsrail Qəzza sektorunun əhalisini oradan qovmağa hazırdır və bunun üçün ABŞ-ın razılığını gözləyir.
Bunu İsrailin ordu naziri İsrael Kats bildirib.
Onun sözlərinə görə, “Qəzza probleminin real həlli” fələstinlilərin oradan köçürülməsindən keçir.
Xatırladaq ki, ABŞ Prezidenti Donald Tramp 2025-ci ildə Qəzza zolağında yaşayan 2 milyondan çox fələstinlinin Misir və İordaniyaya köçürülməsini təklif etmişdi.
ABŞ-İran müharibəsinin yenidən alovlanması Almaniyada benzinin qiymətinin tarixi maksimuma yüksəlməsinə səbəb olub.
Alman Avtomobilçilər Klubunun (ADAC) məlumatına əsasən, “Super E10” markalı benzininin bir litrinin ölkə üzrə orta qiyməti ötən gün 2,215 avroya çatıb. Bununla da 2022-ci ilin martında qeydə alınmış əvvəlki rekord (2,203 avro) yenilənib.
Azərbaycan Respublikası hüquqi, demokratik və dünyəvi dövlətdir. Ölkəmizdə hər bir vətəndaşın söz və fikir azadlığı, vicdan və din seçmək hüququ qanunla təmin olunur. İnsan öz düşüncəsini sərbəst ifadə edə, hər hansı dinə etiqad edə və ya ümumiyyətlə dini inanca sahib olmaya bilər.
Lakin azadlığın da sərhədi var. Heç bir insanın fikir azadlığı başqasının inancını, əqidəsini və mənəvi dəyərlərini təhqir etmək hüququ vermir.
