Üç beynəlxalq QHT-nin (Qeyri-Hökumət Təşkilatı) nümayəndələri atəşkəsdən altı aydan çox vaxt keçməsinə baxmayaraq, İsrailin Qəzzaya yardım daxil olmasını məhdudlaşdırmağa davam etdiyini, uşaqların isə hələ də kəskin qida çatışmazlığı ilə klinikalara müraciət etdiyini bildiriblər.
Mayın 22-də Bakı Ağır Cinayətlər Məhkəməsində “Meydan TV işi” üzrə növbəti məhkəmə prosesi keçirilib.
“Meydan TV”-nin xəbərinə görə, hakim Aytən Əliyevanın sədrlik etdiyi prosesdə təqsirləndirilən şəxslərdən jurnalist Xəyalə Ağayeva ifadə verməyə başlayıb. O, çıxışında Bakıda Ümumdünya Şəhərsalma Forumu keçirildiyi halda Bayırşəhərdə tarixi binaların söküldüyünü xatırladıb.
Livanın cənubundakı Tir şəhərində atəşkəsə baxmayaraq, soyqırım törədən İsrail ordusuna məxsus pilotsuz təyyarənin yaralı şəxsə cavab verən təcili yardım qrupuna hücum etməsi nəticəsində iki tibb işçisi həlak olub.
İsrail ordusu 17 apreldə qüvvəyə minən və 17 may tarixindən etibarən 45 gün uzadılan atəşkəsə baxmayaraq Livana hücumlarını davam etdirir.
Ukrayna ordusu Luqanskın Starobelsk şəhərində kollecin yataqxanasına dronla zərbə endirib.
TASS-ın xəbərinə görə, yataqxanın bir korpusu dağılıb.
Rusiya Fövqəladə Hallar Nazirliyinin xilasediciləri dağıntılar altından 4 nəfərin meyitinin çıxarıldığını açıqlayıb.
Rusiya KİV-i xəbər verir ki, Luqanskın yerli hakimiyyət orqanları yaralıların sayının 40-a çatdığını açıqlayıb.
Müxalif “Vahid Milli Hərəkat” partiyasının siyasi şurasının sədri Levan Xabeişvili və keçmiş baş prokuror Murtaz Zodelava məhkəmə tərəfindən təqsirli biliniblər.
Bu qərarı hakim Irakli Khuskivadze qəbul edib.
Levan Xabeişviliyə 2 il 6 ay azadlıqdan məhrumetmə, Murtaz Zodelavaya isə 9 ay həbs cəzası verilib.
Beynəlxalq Futbol Federasiyası (FIFA) 2026-cı il Dünya Çempionatı zamanı İranın İslam İnqilabından əvvəl istifadə olunan bayrağının stadionlarda nümayişini yenidən qadağan etməyə hazırlaşır.
Bu barədə “The Athletic” nəşri məlumat yayıb. Bildirilir ki, FIFA stadion davranış qaydalarına əsaslanaraq siyasi, təhqiredici və ya ayrı-seçkilik xarakterli bayraq, plakat və digər simvolların yarış məkanlarına gətirilməsini qadağan edir.
İslam İnqilabının lideri Ayətullah Xamenei ən böyük sövdələşmə vasitələrindən biri olan 500 kq zənginləşdirilmiş uranın çıxarılmasının qarşısını almaqla bağlı son qərarını verib. Bu, Trampın ambisiyalarını puça çıxaracaq...
İslam İnqilabının lideri Seyid Müctəba Xameneinin zənginləşdirilmiş uranın İrandan çıxarılmaması barədə göstəriş verdiyi bildirilir. Xəbəri cümə axşamı dərc edən Reuters xəbər agentliyi məlumatı İran rəsmilərinə əsaslandırdığını bildirib.
Fələstinli məhbuslar üzrə Media Ofisinin məlumatına görə, İsrailin Damon həbsxanasında qadın məhbuslar ciddi insan hüquqları pozuntularına məruz qalır. Məhbuslar, bölmələrə təkrarən zorakı basqınlar zamanı qəddarcasına əzab çəkir və həmçinin şifahi təcavüz hallarına məruz qalır.
Özgür Özelin sədr seçildiyi 2023-cü il CHP qurultayının ləğvi üçün açılan iddiada "tamamilə etibarsızlıq" qərarı verilib.
Ankara Regional Apelyasiya Məhkəməsinin (BAM) 36-cı Mülki İşlər Kollegiyası CHP qurultayı işində Özgür Özel və partiya rəhbərliyinin müvəqqəti olaraq vəzifələrindən uzaqlaşdırılması və Kamal Kılıçdaroğlu və rəhbərliyinin vəzifələrini icra etməsi barədə də qərar çıxarıb.
Məhkəmə CHP-nin 38-ci qurultayını ləğv edib.
Sonuncu zəvvarlardan ibarət qruplar Məkkə şəhərinə çatıb.
Bolqarıstanın Samokov şəhərində keçirilən U-15 Avropa çempionatında Azərbaycan güləşi növbəti böyük uğura imza atıb. Musavat.com xəbər verir ki, Yunan-Roma güləşi üzrə 44 kq çəki dərəcəsində mübarizə aparan Paşa Aslan final görüşündə Ermənistan təmsilçisi Paşa Xudoyanı 4:1 hesabı ilə məğlub edərək Avropa çempionu adına layiq görülüb.
Hizbullah ABŞ-ın partiya və “Əməl” hərəkatına bağlı deputatlar, rəsmilər və Livan təhlükəsizlik zabitlərinə qarşı tətbiq etdiyi sanksiyaları “Amerikanın qorxutma siyasəti” adlandırıb.
Partiyanın yaydığı bəyanatda bildirilib ki, bu addım İsrailin təcavüzünü siyasi baxımdan dəstəkləmək və livanlıların müqavimət hüququndan imtina etməsinə nail olmaq məqsədi daşıyır.
"Bakı-Tbilisi-Qars dəmir yolu xətti daha bir vacib nəqliyyat qovşağı olaraq Orta Dəhlizin dəyərini yüksəldəcək".
Bunu Gürcüstanın iqtisadiyyat və dayanıqlı inkişaf naziri Mariam Kvrivişvili "İmedi" telekanalına müsahibəsində deyib.
O qeyd edib ki, həm Gürcüstan, həm də Azərbaycan tərəfi layihənin mümkün qədər tez həyata keçirilməsində maraqlı olub.
Həbsdə olan iqtisadçı alim və keçmiş deputat Nazim Bəydəmirlinin cəza çəkdiyi müəssisənin dəyişdirildiyi bildirilir.
Bu barədə onun həyat yoldaşı Fəridə Bəydəmirli “Azadlıq Radiosu”na məlumat verib. O bildirib ki, Nazim Bəydəmirli mayın 19-da 6 saylı Cəzaçəkmə Müəssisəsinə köçürülüb.
