Türkiyə və Rusiya xarici işlər nazirlərinin görüş vaxtı açıqlanıb

Türkiyə və Rusiyanın xarici işlər nazirləri Mövlud Çavuşoğlu və Sergey Lavrov martın 29-da görüşəcəklər.

Bu barədə Türkiyə XİN-dən məlumat veriblər.

Qeyd olunub ki, görüş Antalyada baş tutacaq.

Nazirlər arasında görüş Rusiya-Türkiyə strateji planlaşdırma qrupunun iclası çərçivəsində keçiriləcək.

Həmin iclas zamanı 2019-2020-ci illər üçün ikitərəfli əməkdaşlıq üzrə planlar müzakirə olunacaq.