Trampın məktubu ilə bağlı İran Xarici İşlər Nazirliyinin sözçüsü danışdı

İran Xarici İşlər Nazirliyinin sözçüsü İsmayıl Bəqayi deyib: “Məktubun məzmunu Trampın ictimai çıxışlarından ciddi şəkildə fərqlənmir və oxşar elementləri ehtiva edir. Ona görə də araşdırmalar başa çatdıqdan sonra müvafiq vasitələrlə məktuba cavabımız veriləcək” deyib.

İran Xarici İşlər Nazirliyinin sözçüsü İsmayıl Bəqayi ilin son mətbuat konfransında açıqlama verib. (İranda novruz bayramında il təhvil olur)

Trampın məktubunu dərc etməyi planlaşdırmır

Trampın İrana göndərdiyi məktubla bağlı Bəqayi hələlik məktubu media ilə bölüşmək fikrində olmadıqlarını vurğulayıb.

“Bu məktubla bağlı mediada yazılanların çoxu fərziyyədir və heç bir tutarlı əsası yoxdur”, - İran rəsmisi bildirib.

Trampın məktubunun məzmunu onun çıxışlarından heç də fərqlənmir

Bəqayi məktubun məzmunu ilə bağlı bu açıqlamalar verib:

“Məktubun məzmunu Trampın ictimai çıxışlarından əsaslı şəkildə fərqlənmir və oxşar elementləri ehtiva edir. Ona görə də araşdırmalar başa çatdıqdan sonra müvafiq vasitələrlə məktuba cavabımız veriləcək”.

İran xarici işlər naziri Abbas İraqçinin Omana son səfərinin Trampın məktubu ilə bağlı olmadığını ifadə edən Bəqayi, "Bu səfər daha əvvəl planlaşdırılan bir səfər idi və cənab İraqçi bunu açıq şəkildə ifadə edib" deyib.