NYT-nin iddiası: mülki və hərbi itkilər var
ABŞ-nin Venesuelaya qarşı həyata keçirdiyi hərbi hava hücumları nəticəsində azı 40 nəfərin həlak olduğu bildirilir. Bu barədə “New York Times” qəzeti Venesuelalı yüksək vəzifəli rəsmi mənbəyə istinadən məlumat yayıb. Xəbərdə qeyd olunur ki, hücumlar zamanı həm mülki şəxslər, həm də hərbi qulluqçular arasında itkilər qeydə alınıb.
Məlumata görə, ABŞ qüvvələrinin Venesuela prezidenti Nikolas Maduro və həyat yoldaşı Silia Floresin saxlanıldığı əməliyyatlar çərçivəsində paytaxt Karakas və bir sıra strateji ərazilər hədəfə alınıb. Nəticədə azı 40 nəfərin həyatını itirdiyi bildirilir.
New York Times-in məlumatına əsasən, hava zərbələri əsasən Karakas şəhəri və ölkə üçün mühüm əhəmiyyət daşıyan strateji bölgələrdə həyata keçirilib. Hücumlar zamanı hərbi obyektlərlə yanaşı, bəzi mülki infrastrukturların da zərər gördüyü vurğulanır.
Partlayış səsləri və gecə hücumu
Xatırladaq ki, Venesuelanın paytaxtı Karakasda şənbə günü yerli vaxtla təxminən saat 02:00 radələrində güclü partlayış səsləri və hərbi təyyarələrin uçuşu eşidilib. Hadisədən dərhal sonra Venesuela hakimiyyəti ABŞ-ni ölkənin müxtəlif bölgələrində mülki və hərbi obyektlərə hücum etməkdə ittiham edib.
ABŞ prezidenti Donald Tramp açıqlamasında Venesuela prezidenti Nikolas Maduronun hədəf alındığı genişmiqyaslı hərbi əməliyyat keçirildiyini təsdiqləyib. O, Maduro və həyat yoldaşının ölkə xaricinə çıxarıldığını bəyan edib.
ABŞ Ədliyyə Nazirliyi də məsələ ilə bağlı açıqlama verərək, Nikolas Maduro və Silia Flores barəsində ABŞ-də rəsmi ittiham irəli sürüldüyünü bildirib. Açıqlamaya görə, Maduraya “narkotik terrorizmi, kokain qaçaqmalçılığı, ABŞ-yə qarşı avtomatik silah və dağıdıcı qurğulara sahib olmaq” kimi ağır ittihamlar irəli sürülüb.
Venesuela hökuməti baş verən hadisələrdən sonra beynəlxalq ictimaiyyətə müraciət edərək ABŞ-nin hərəkətlərinin qınanmasını tələb edib. Bir sıra ölkələr hücumları beynəlxalq hüququn pozulması kimi qiymətləndirərək tənqid edib. Bununla yanaşı, bəzi dövlətlər isə verdikləri açıqlamalarla ABŞ-ni dəstəklədiklərini açıqlayıblar.
Hadisələr fonunda Venesuelada vəziyyətin daha da gərginləşəcəyi ilə bağlı narahatlıqlar artır və regionda sabitliyin ciddi təhlükə altında olduğu bildirilir.
NYT: ABŞ-nin hava zərbələrində azı 40 nəfər həlak olub
NYT-nin iddiası: mülki və hərbi itkilər var
ABŞ-nin Venesuelaya qarşı həyata keçirdiyi hərbi hava hücumları nəticəsində azı 40 nəfərin həlak olduğu bildirilir. Bu barədə “New York Times” qəzeti Venesuelalı yüksək vəzifəli rəsmi mənbəyə istinadən məlumat yayıb. Xəbərdə qeyd olunur ki, hücumlar zamanı həm mülki şəxslər, həm də hərbi qulluqçular arasında itkilər qeydə alınıb.
Məlumata görə, ABŞ qüvvələrinin Venesuela prezidenti Nikolas Maduro və həyat yoldaşı Silia Floresin saxlanıldığı əməliyyatlar çərçivəsində paytaxt Karakas və bir sıra strateji ərazilər hədəfə alınıb. Nəticədə azı 40 nəfərin həyatını itirdiyi bildirilir.
New York Times-in məlumatına əsasən, hava zərbələri əsasən Karakas şəhəri və ölkə üçün mühüm əhəmiyyət daşıyan strateji bölgələrdə həyata keçirilib. Hücumlar zamanı hərbi obyektlərlə yanaşı, bəzi mülki infrastrukturların da zərər gördüyü vurğulanır.
Partlayış səsləri və gecə hücumu
Xatırladaq ki, Venesuelanın paytaxtı Karakasda şənbə günü yerli vaxtla təxminən saat 02:00 radələrində güclü partlayış səsləri və hərbi təyyarələrin uçuşu eşidilib. Hadisədən dərhal sonra Venesuela hakimiyyəti ABŞ-ni ölkənin müxtəlif bölgələrində mülki və hərbi obyektlərə hücum etməkdə ittiham edib.
ABŞ prezidenti Donald Tramp açıqlamasında Venesuela prezidenti Nikolas Maduronun hədəf alındığı genişmiqyaslı hərbi əməliyyat keçirildiyini təsdiqləyib. O, Maduro və həyat yoldaşının ölkə xaricinə çıxarıldığını bəyan edib.
ABŞ Ədliyyə Nazirliyi də məsələ ilə bağlı açıqlama verərək, Nikolas Maduro və Silia Flores barəsində ABŞ-də rəsmi ittiham irəli sürüldüyünü bildirib. Açıqlamaya görə, Maduraya “narkotik terrorizmi, kokain qaçaqmalçılığı, ABŞ-yə qarşı avtomatik silah və dağıdıcı qurğulara sahib olmaq” kimi ağır ittihamlar irəli sürülüb.
Venesuela hökuməti baş verən hadisələrdən sonra beynəlxalq ictimaiyyətə müraciət edərək ABŞ-nin hərəkətlərinin qınanmasını tələb edib. Bir sıra ölkələr hücumları beynəlxalq hüququn pozulması kimi qiymətləndirərək tənqid edib. Bununla yanaşı, bəzi dövlətlər isə verdikləri açıqlamalarla ABŞ-ni dəstəklədiklərini açıqlayıblar.
Hadisələr fonunda Venesuelada vəziyyətin daha da gərginləşəcəyi ilə bağlı narahatlıqlar artır və regionda sabitliyin ciddi təhlükə altında olduğu bildirilir.