Faciə nəticəsində ölənlərin sayı artır, matəm elan olundu

15/08/2018 - 11:40

Şəhər rəhbərliyinin yaydığı məlumatda bildirilir ki, hadisə nəticəsində ölənlərin sayı arta bilər

İtaliyanın Genuya şəhərində avtomobil körpüsünün uçması nəticəsində ölənlərin sayı 35-ə çatıb. "RİA Novosti"yə istinadən xəbər verilir ki, bu barədə şəhər rəhbərliyi məlumat yayıb.

Ölənlərdən üçü 8, 12 və 13 yaşlı uşaqlardır. Ümumilikdə insident nəticəsində 16 nəfər ciddi xəsarət alıb.

Şəhər rəhbərliyinin yaydığı məlumatda bildirilir ki, hadisə nəticəsində ölənlərin sayı arta bilər. Çünki hadisə yerində axtarış-xilasetmə işləri davam edir.

Genuya şəhərinin meriyası faciə ilə bağlı 2 günlük matəm elan edib.