Activities calendar

Bəhreynli mübariz din xadimi Şeyx Abdullah Əd-Dəqqaq, Ali-Xəlifə rejimi tərəfindən din alimlərinin həbs olunmasını qəti şəkildə pisləyib. O, vurğulayıb ki, dini azadlıqların məhdudlaşdırılması siyasətinin və dini-fikri şəxsiyyətlərə qarşı təzyiqlərin davam etdirilməsi cəmiyyətdə yalnız narazılığın və gərginliyin artmasına səbəb olacaq.

Şeyx, həmçinin dini və siyasi baxışlarına görə həbs edilən bütün alimlərin və şəxslərin dərhal və qeyd-şərtsiz azad olunmasına çağırış edib.

Hesablama Palatası (HP) ötən ay dövlət qurumlarında son illərdə apardığı auditlə bağlı hesabatını açıqladı. Hesabatda bir sıra nazirlik və komitələrdə ciddi maliyyə pozuntularının olduğu bildirilirdi.

ABŞ-nin Safesea Group nəqliyyat şirkətinə məxsus Neha adlı kommersiya gəmisi Fars körfəzində İran pilotsuz uçuş aparatlarının hücumuna məruz qalıb.

Fox News telekanalının məlumatına görə, dronlardan biri gəmiyə dəyib, digəri isə hədəfi vura bilməyib. Hücum zamanı gəmi yük daşımırmış və Doha yaxınlığında lövbərdə dayanıbmış.

Bildirilir ki, gəmidə 23 dənizçi olub. Hadisə nəticəsində xəsarət alan olmayıb.

İsrailin Baş naziri Benyamin Netanyahu bildirib ki, ABŞ və İsrail İranla müharibəyə başlamazdan əvvəl Hörmüz boğazındakı vəziyyətin mümkün nəticələrini tam qiymətləndirə bilməyib.

O, bu barədə "CBS News" telekanalına müsahibəsində danışıb.

Netanyahu qeyd edib ki, döyüşlər zamanı Hörmüz boğazı probleminin nə qədər ciddi olduğu daha aydın başa düşülüb.