28 April 2026

Türkiyə Livana 730 ton yardım çatdırdı

AFAD (Türkiyə Fəlakət və Təcili Yardım İdarəsi) və Türk Qızıl Ayparasının ianələri ilə hazırlanmış 730 ton humanitar yardım Beyrut Limanına çatdı. Livan İnzibati İnkişaf Naziri Mekki, humanitar yardım üçün Türkiyə xalqına və hökumətinə təşəkkür etdi.

AFAD və Türk Qızıl Ayparasının ianələri ilə hazırlanmış 730 ton humanitar yardımı daşıyan gəmi Beyrut Limanına lövbər saldı.

Yardım 7200 çadır, eləcə də qida və sığınacaq materialları və gigiyena dəstlərindən ibarət idi.

Şagirdlər arasında zorakılıq və aqressiya niyə artır?

Son aylarda Azərbaycanda məktəblərdə baş verən zorakılıq, aqressiya və təhlükəli davranış halları ilə bağlı xəbərlərin sayında artım müşahidə olunur. Yanvarın sonundan aprelin sonunadək mediada yer alan məlumatlara əsasən, ölkənin müxtəlif bölgələrində ən azı 10 belə hadisənin qeydə alındığı bildirilir.

Bu hadisələr arasında şagirdlərarası dava və bıçaqlanma, müəllimə hücum, fiziki zorakılıq, təhdid və özünə xəsarət yetirmə halları yer alır.

Almaniyada İsrailin soyqırım siyasətinə etiraz edənlərə dəstək aksiyası

Almaniyanın Ştutqart şəhərindəki həbsxananın qarşısında Qəzzaya hücumlara etiraz olaraq İsraildəki Elbit Systems zavoduna basqın edən beş fəal üçün həmrəylik nümayişi keçirilib.

Almaniyada İsrailin Qəzzaya hücumlarına cavab olaraq Elbit Systems müəssisələrinə daxil olan fəalların məhkəməsi başlayıb. Onlarla fələstinli tərəfdar aylardır həbsdə olan "Ulm 5" kimi tanınan fəallara dəstək göstərmək üçün məhkəmədən əvvəl Ştutqartdakı Stammheim Həbsxanasının qarşısında toplaşıblar.

Əl-Mayadin: Əli əz-Zeydi İraq Baş naziri vəzifəsinə namizəd göstəriləcək

Əl-Mayadin kanalı Koordinasiya Çərçivəsinin liderlərinin Əli əz-Zeydinin İraq Baş naziri vəzifəsinə namizəd göstərilməsi barədə razılığa gəldiyini bildirib.

Əl-Mayadin-in Bağdad müxbiri Koordinasiya Çərçivəsi daxilindəki mənbəyə istinadən bildirib ki, bu alyansın bu axşam konsensus namizədini rəsmi olaraq elan etmək üçün görüş keçirməyə hazırlaşır.

Apellyasiya Məhkəməsi Azər Qasımlının vəsatətlərini təmin etməyib

Aprelin 27-də Bakı Apellyasiya Məhkəməsində Siyasi Menecment İnstitutunun rəhbəri Azər Qasımlının şikayətinə baxılıb.

Azər Qasımlının həyat yoldaşı Samirə Qasımlının Meydan TV-yə verdiyi məlumata görə, prosesdə zərərçəkmiş kimi tanınan Qurbanəli Yusibov və vəkili iştirak etməyib. Azər Qasımlının vəkili Rövşanə Rəhimli buna etiraz edərək deyib ki, ona sualları var. Dövlət ittihamçısı isə buna etiraz edərək bildirib ki, həmin suallara birinci məhkəmə instansiyasında cavab verilib. 

İsrail Qəzzaya yenə hücum etdi – ölən və yaralananlar var

İsrail Qəzza zolağında hücumlarını davam etdirir. Şimal və cənub bölgələrində həyata keçirilən atəşlər nəticəsində mülki şəxslər arasında şəhid və yaralananlar var.

Məlumata görə, şimaldakı Beyt Lahiya layihəsi ərazisində bir uşaq sionist rejim hərbçilərinin açdığı atəş nəticəsində şəhid olub. Eyni bölgədə pilotsuz uçuş aparatlarından açılan atəş nəticəsində bir neçə nəfər yaralanıb.