ABŞ və İsrailin İrana qarşı hücumlarına və daxili iğtişaş cəhdlərinə qarşı İstanbuldakı İran Baş Konsulluğunun qarşısında keçirilən etirazda əsas diqqət qlobal müqavimətə yönəldilib; Fələstindən Latın Amerikasına qədər uzanan antiimperialist mübarizəyə dəstək mesajları verilib.
ABŞ-ın İsraildəki keçmiş səfiri Den Şapiro xəbərdarlıq edib ki, ABŞ prezidenti Donald Trampın İranla bağlı son açıqlamaları Tehran rejiminin yüksək rəhbərliyini birbaşa hədəf alan sui-qəsd cəhdinə yol aça bilər.
X hesabından paylaşım edən Şapiro bildirib ki, Trampın Politico-ya verdiyi "İranda yeni liderliyə ehtiyac" barədə sözləri İranın Ali Lideri Əli Xameneinin Trampa qarşı sərt açıqlamaları ilə birlikdə oxunmalıdır və əlavə edib: "Bu, məni Trampın bu həftə Ali Lideri öldürməyə çalışacağına inandırır".
Suriyanın başçısı Əhməd əş-Şaraa ölkənin şimal-şərqində atəşkəs elan edib.
Bu barədə SANA agentliyi məlumat yayıb.
Əş-Şaraa Suriya Demokratik Qüvvələri (SDF) ilə əldə olunmuş razılaşmanın müddəalarının icrasına imkan yaratmağa çağırıb.
O, həmçinin SDF rəhbəri Mazlum Abdi ilə bu günə planlaşdırılan görüşün “əlverişsiz hava şəraiti” səbəbindən sabaha təxirə salındığını bildirib.
Əş-Şaraa vurğulayıb ki, Suriya dövləti vahiddir və SDF ilə bağlı bütün həllini tapmamış məsələlər nizamlanacaq.
İngiltərə Premyer Liqasında XXII turun bir neçə oyunu başa çatıb.
Turun mərkəzi qarşılaşmasında "Mançester Yunayted" doğma meydanda "Mançester Siti"ni 2:0 hesabı ilə məğlub edib.
Digər oyunlarda "Çelsi" evdə "Brentford" üzərində 2:0 hesablı qələbə qazanıb. "Lids" minimal hesabla "Fulhem"i məğlub edib – 1:0.
Fərat çayının qərbini YPG/SDQ silahlılarından təmizləyən Suriya Ordusunun növbəti hədəfi məlum olub.
Suriya Ordusu artıq Fərat çayının şərqində Tabka şəhərinə nəzarəti təmin edib, Rakka şəhərinə 5 km-ə qədər yaxınlaşıb.
Gürcüstanın Rustavi şəhərində Məbəs bayramı münasibətilə möhtəşəm bayram tədbiri təşkil olunub.
Məclis Azər Süleymanovun aparıcılığı ilə açılıb, Vidadi Qurbanovun Qurani-Kərim tilavəti isə mərasimə dərin mənəvi ab-hava bəxş edib.
Tədbirdə ictimaiyyət nümayəndələri, müəllimlər, vətəndaşlar, Gürcüstanda fəaliyyət göstərən dini qurumların rəhbərləri, beynəlxalq səfirliklərin nümayəndələri, ilahiyyatçılar və din xadimləri iştirak ediblər.
Avropa İttifaqı ABŞ-nin Qrenlandiyanı ələ keçirməyə yönəlik mümkün addımlarına qarşı sərt cavab mexanizmlərini müzakirə edir.
"The Economist" nəşri Aİ daxilində ABŞ-yə qarşı hərbi və iqtisadi təzyiq variantlarının gündəmə gətirildiyini yazıb.
İraqda baş nazir böhranı dərinləşir. Məhəmməd Sudaninin Nuri əl-Malikinin lehinə yarışdan çıxması Koordinasiya Çərçivəsindəki fikir ayrılığına son qoymadı. Şiə bloku daxilində baş nazir namizədinin müəyyənləşdirilməsi prosesi qeyri-müəyyən olaraq qalır.
Böyük təqlid müctəhidi Ayətullah əl-üzma Seyid Əli Sistaninin qardaşı, alim və müctəhid Ayətullah Seyid Hadi Sistani uzun sürən ağır xəstəlikdən sonra bu gün vəfat edib.
Allahdan mərhuma rəhmət diləyir, qardaşı Ayətullah Sistaniyə dərin hüznlə başsağlığı veririk.
O, müqəddəs Qum şəhərində vəfat edib. Mərhum Ayətullah Seyid Hadi Sistani hövzənin tanınmış alimi idi.
Tramp administrasiyasının Qəzza “Sülh Şurası”nın tərkibi ilə bağlı bu həftəki açıqlaması İsraillə razılaşdırılmayıb və hökumət siyasətinə ziddir.
Misli Premyer Liqası təmsilçillərindən "Kəpəz" və "Karvan-Yevlax" yoxlama oyunu keçiriblər.
Komadalar Yevlax şəhər stadionunda qarşılaşıblar.
Görüş 0:0 hesabı ilə yekunlaşıb.
Hazırda Misli Premyer Liqasının turnir cədvəlində "Kəpəz" 9 xalla 10-cu, "Karvan-Yevlax" isə 6 xalla 12-cidir.
Qeyd edək ki, "Kəpəz" qış toplanışı çərçivəsində ilk oyununda "Qəbələ"yə 1:3 hesabı ilə uduzub.
İraq Ordusu ABŞ ordusunun geri çəkilməsindən sonra beynəlxalq koalisiya tərəfindən istifadə edilən İraqın qərbindəki Ənbar əyalətində yerləşən Əyn əl-Əsəd hava bazasına nəzarəti təmin edib.
ABŞ prezidenti Donald Tramp Türkiyə prezidenti Rəcəb Tayyib Ərdoğan, Misir prezidenti Əbdülfəttah Əs-Sisi və Argentina prezidenti Xavyer Mileyi Qəzza üçün yaradılan Sülh Şurasına dəvət edib.
Bu barədə sözügedən ölkələr yanvarın 17-də xəbər veriblər.
Misirin Xarici İşlər Nazirliyi Əs-Sisinin dəvəti nəzərdən keçirdiyini bildirib.
Türkiyə hökuməti isə Ərdoğanın nə cavab verdiyinə aydınlıq gətirməyib.
