08 December 2024

Reuters: Bəşər Əsəd təyyarə qəzasında ölmüş ola bilər

“Reuters”ə danışan iki suriyalı mənbə təyyarə qəzasında Bəşər Əsədin ölmüş ola biləcəyini iddia edib. Suriya ordusunun iki hərbi rəsmisi Əsədin bu gün naməlum istiqamətə getmək üçün havaya qalxdığını bildirib. Təyyarənin böyük ehtimalla qəzaya uğradığı bildirilir.

Uçuş izləmə saytında FlightRadar24-də Dəməşq hava limanından qalxdıqdan sonra Homsun qərbində sonuncu dəfə görünən, lakin sonra radarlardan itən təyyarənin Bəşər Əsədi daşıdığı iddia edilib.

Xanım Zeynəb (s.ə) türbəsinin müdafiəçi və məmurları İrana qayıdıblar

İran rəsmisi bəzi şəxslərin Dəməşq şəhərindəki təhlükəsizliksizlikdən istifadə etdiyini bildirib və bu hücumlar nəticəsində Xanım Zeynəb (s.ə.) hərəminin İdarə Heyətinin əmlakına ziyan dəydiyi bildirilir. Məsələ ilə bağlı silahlı qruplar bu hadisələrdə hər hansı bir əlaqələrini inkar ediblər.

Azərbaycan güləşçiləri 2 qızıl medal qazanıblar

Azərbaycanın sərbəst güləşçiləri Qazaxıstanın Karaqanda şəhərində Sovet İttifaqı qəhrəmanı Nurken Abdirovun xatirəsinə həsr olunmuş turnirdə 2 qızıl medal qazanıblar.

Nürəddin Novruzov (61 kq) və Abdulrəhman İbrahimov (65 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.

Qeyd edək ki, yarışda ölkəmizlə yanaşı Qazaxıstan, Özbəkistan və Qırğızıstandan olan 500-dən artıq idmançı mübarizə aparıb.

Türkiyə tarixində ilk dəfə: Dollar alqı-satqısında komissiya

Türkiyə bazarında saxta 50 və 100 dollarlıq əskinaslar dövriyyəyə buraxıldıqdan sonra valyutanın ürəyi olan Qapalı Çarşıda tarixində ilk dəfə dollar dəyişdirəcək şəxslərdən “sığorta komissiyası” alınmağa başlandı. Bir çox valyutadəyişmə məntəqələri saxta dollar təhlükəsi səbəbindən 50 və 100 dollarlıq əskinasları yalnız endirimlə qəbul edirlər.

Bağdad Cümə imamından Suriyadakı hadisələrlə bağlı açıqlama

Bağdad Cümə günü çıxış edən cümə namazı imamı Ayətullah Seyid Yasin əl-Musəvi bildirib ki, Suriyadakı hadisələr Netanyahu, Bayden və Trampın bu yaxınlarda açıqladığı "Yeni Yaxın Şərq Planı"nın bir hissəsidir. O, bu planın regiondakı vəziyyətlə bağlı mühüm dönüş nöqtəsi olduğunu vurğulayıb.

Suriya Milli Alyansının rəhbəri: Ölkədə hakimiyyətin ötürülməsi prosesi Birləşmiş Millətlər Təşkilatının koordinasiyası ilə həyata keçiriləcək

Bəşər Əsəd hökumətinin xarici müxalifətinin əsas qolu olan Suriya Milli Alyansının rəhbəri deyib: Bu ölkədə hakimiyyətin təhvil verilməsi prosesi Birləşmiş Millətlər Təşkilatının koordinasiyası ilə həyata keçiriləcək.

Tel-Əviv və Hayfada Netanyahuya qarşı nümayişlər davam edir

İsraillilər Tel-Əviv və Hayfada kütləvi nümayişlər keçirərək Qəzzada müqavimət hərəkatı ilə məhbus mübadiləsi sazişinin dərhal imzalanmasını tələb ediblər.

Operativtv Az.rasthaber-ə istinadən xəbər verir ki, şənbə günü bir qrup israillilər Təl-Əviv və Hayfada kütləvi nümayişlər keçirərək Qəzzada məhbus mübadiləsi sazişinin dərhal imzalanmasının vacibliyini vurğulayıblar.

Tbilisidə etirazçılar Rustaveli prospektini bağlayıblar

Operativtv Az.shafaqna-ya istinadən verdiyi xəbərə görə, hökumət əleyhinə aksiyanın iştirakçıları parlament binası yaxınlığında yerləşən Rustaveli prospektində hərəkəti dayandırıblar.

Məlumata əsasən, parlament binası qarşısında aksiya bir neçə saatdır davam edir.

Hazırda vəziyyət sakitdir, Azadlıq meydanında və parlament binası ətrafında xüsusi təyinatlı qüvvələr müşahidə olunmur.