Dünənki aksiya və iğtişaşlar nəticəsində Gürcüstan parlamentində 48 iş otağa ziyan dəyib.
Operativtv APA-ya istinadən xəbərinə görə, bunu Gürcüstan parlamentinin spikeri Şalva Papuaşvili bildirib.
Suriya prezidenti Bəşər Əsəd Hələb və İdlibdəki hadisələrlə bağlı yeni açıqlama verib. Suriya dövlət agentliyi SANA-nın məlumatına görə, Əsəd Abxaziyanın müvəqqəti prezidenti Bədra Qanba ilə telefon danışığı aparıb.
Xəbərə görə, Suriya prezidenti Qanba ilə telefon danışığında "üsyançıları güc tətbiq etməklə məğlub edəcəklər" ifadəsini işlədib və "Terror yalnız güc dilini anlayır və biz bu dillə (terrora) dəstək olanı məğlub edəcəyik" deyib.
İsrailin Qəzza və Livanda apardığı müharibələrdən istifadə edərək Suriyadakı cihadçı qrupların İdlibin şimal-qərb əyalətindən Hələb və ölkənin mərkəzi hissəsindəki cənub bölgələrinə qədər başlatdığı hücum davam edir.
Cihadçı qruplar Hələbdə bir çox mühüm yerləri, o cümlədən beynəlxalq hava limanını və tarixi qalasını ələ keçirib.
25-30 noyabr tarixlərində Azərbaycanı beynəlxalq fiqurlu konkisürmə üzrə yarışlarda təmsil edən idmançımız Vladimir Litvintsev Türkiyənin İstanbul şəhərində keçirilən “Bosphorus Cup” adlı yarışda iştirak edib.
Azərbaycan Qış İdman Növləri Federasiyasından verilən məlumata görə, idmançımız qısa və sərbəst proqram üzrə çıxışına görə 12 idmançı arasında 225.41 xal taplayaraq yekun nəticədə 1-ci yeri tutub və qızıl medala sahib olub.
17 saylı cəzaçəkmə müəssisəsində cəza çəkən dini fəal Bəxtiyar Babaşov fiziki təzyiqə məruz qalıb. Bu barədə onun həyat yoldaşı, jurnalist və hüquq müdafiəçisi Arzu Abdulla məlumat verib.
Noyabrın 30-da o, ərinin cəza çəkdiyi müəssisənin qarşısında etiraz aksiyası keçirib.
O, ərinə və digər məhbuslara qarşı zorakılığın dayandırılmasını tələb edib.
İsrail ordusunun Qəzza zolağında həyata keçirdiyi hücumlar nəticəsində ölən jurnalistlərin sayı 191-ə yüksəlib.
Suriyada son iki gündə Hələbi ələ keçirən, İdlibdə tam nəzarəti bərpa edən Heyət Təhrir əş-Şam (HTŞ) terror təşkilatının lideri Əbu Məhəmməd əl-Culaninin öldürülməsi barədə xəbərlər yayılıb.
Bu barədə bu gün səhər ərəb, İsrail və İran mediası məlumat yayıb.
ABŞ-nin seçilmiş prezidenti Donald Tramp dollardan imtina etmək istəyən BRICS üzvlərini hədələdi.
O, BRICS ölkələrinin ABŞ dollarını əvəz etməsi müqabilində hər bir ölkənin Amerika ilə vidalaşmalı olduğunu söyləyib.
Braziliyanın "Botafoqo" klubu final matçında həmyerlisi "Atletiko Mineyro"ya qalib gələrək, ilk dəfə Libertadores kubokunun qalibi olub.
Matç 3:1 hesabı ilə başa çatıb.
"Botafoqo" demək olar ki, bütün matçı azlıqda keçirib. Belə ki, yarımmüdafiəçi Qreqoror matçın ikinci dəqiqəsində birbaşa qırmızı vərəqə alıb.
Qeyd edək ki, ardıcıl altıncı mövsümdür kuboku Braziliyadan olan komanda qazanır.
Son 24 saat ərzində 19 nəfər İsrailin Qəzza zolağına endirdiyi zərbələrin qurbanı olub, 70-dən çox insan yaralanıb. Bu barədə RİA Novosti şənbə günü yerli səhiyyə nazirliyinə istinadən məlumat yayıb.
“Son 24 saat ərzində İsrail işğalı Qəzza zolağında 4 ailə qətliamı törədib, 19 nəfər ölüb, 72 nəfər isə xəstəxanalarda yaralanıb”, – məlumatda deyilir.
İsrailin paytaxtı Təl-Əvivdə minlərlə israilli yenidən kütləvi nümayişlərə çıxaraq hakimiyyətdən Qəzza zolağında saxlanılan girovların dərhal azad edilməsini tələb edib.
Yəməndən İsrailə ballistik raket atılıb.
Bu barədə İsrail Ordusu məlumat yayıb.
Tbilisidə etiraz aksiyası davam edir.
Operativtv APA-ya istinadən xəbər verir ki, şəhərin mərkəzi Çavçavadze küçəsini bloklayan etirazçılar ərazidə tonqal qalayıblar.
Suriyada qiyamçı qüvvələr ölkənin şimal-qərbində yerləşən İdlib vilayətini tam nəzarətə alıblar. Bu barədə “Reuters” mənbələrə istinadla xəbər verir. Qruplaşmalar Türkiyə-yönlü, dünyanın bir çox ölkələrində terrorçu kimi tanınan “Heyət Təhrir eş-Şam”ın başçılığı ilə hərəkət edirlər.
Hələb vilayətinin böyük hissəsini onların tutduğu xəbər verilir.
Suriya televiziyası döyüşlərdə bir gündə azı 150 hərbi qulluqçunun həlak olduğunu bildirir.
Avropa Şurası Parlament Assambleyası (AŞPA) “Azərbaycanda repressiyaların güclənməsi: Demokratik azadlıqların və parlament hüquqlarının zəifləməsi” mövzusunda müzakirələr keçirib.
Noyabrın 29-da Lüksemburqda bir araya gələn AŞPA-nın Daimi Komitəsinin üzvləri Azərbaycanın bu ilin yanvar ayında Assambleyadakı səlahiyyətlərinin dondurulmasından sonra ölkədə insan hüquqlarının vəziyyətinin daha da pisləşdiyini vurğulayıblar.
