Azərbaycanda vulkan püskürəcək

06/06/2018 - 11:20

Abşeron yarımadasında Qobu kəndinin yaxınlığında Bozdağ vulkanı püskürməyə hazır vəziyyətdədir. Əgər vulkan püskürsə xəsarət alanlar olacaq.

Bunu Real-a müsahibəsində AMEA Geologiya və Geofizika institutunun palçıq vulkanizmi şöbəsinin rəhbəri Adil Əliyev deyib.

Onun sözlərinə görə, Bozdağ vulkanının hətta kraterinə yaxın hissəsində insanlar evlər tikib məskunlaşıb. 
 
“Bu vulkanın sonuncu püskürməsi 1999-cu ildə olub. Yəni artıq 20 ildir ki, vulkan susur. Enerjini toplayıb püskürməyə hazır vəziyyətdədir. Yaxın zamanlarda Bozdağ püskürə bilər. Əgər vulkan püskürsə xəsarət alanlar olacaq. Çünki insanlar vulkanın düz yaxınlığında məskunlaşıb”, - deyə Adil Əliyev qeyd edib.