İran 100-dən çox pilotsuz təyyarə ilə İsrailə əks-hücum edir

İran İsrailin nüvə proqramını hədəf alan hava hücumlarından sonra 100-dən çox pilotsuz təyyarə ilə əks-hücum keçirib.

İsrailin Tehranın nüvə proqramını hədəf alan hava hücumlarından cəmi 5 saat sonra İran 100-dən çox pilotsuz uçuş aparatı (PUA) ilə əks-hücuma keçib.

“İsrail Hayom” qəzetinin məlumatına görə, İsrail ordusu İrandan havaya qalxan PUA-ların İsrailə çatmasının bir neçə saat çəkəcəyini və onları vurmağa çalışdıqlarını açıqlayıb.

İsrail cümə günü səhər saat 03:00 radələrində 200-dən çox döyüş təyyarəsi ilə İrana hücum edib.

“Yüksələn Aslan” adlı əməliyyatda 100 hədəfin vurulduğu bildirilib.