04 May 2026

“Mançester Yunayted” “Liverpul”u məğlub etdi, “Tottenhem” vacib qələbə qazandı

Futbol üzrə İngiltərə Premyer Liqasında XXXV turun daha 3 oyunu keçirilib.

Turun mərkəzi görüşündə "Mançester Yunayted" öz meydanında "Liverpul"u qəbul edib. Görüş "qırmızı şeytanlar"ın 3:2 hesablı qələbəsi ilə yekunlaşıb. Mançester təmsilçisinin heyətində qolları Mateus Çunya, Benjamin Şeşko və Kobbi Meyno vurublar. Qonaqlardan isə Dominik Soboslai və Kodi Qakpo fərqləniblər.

İran Hörmüz boğazında ABŞ-nin döyüş gəmisini vurdu

İranın Fars News Agency xəbər verir ki, ABŞ donanmasına məxsus bir döyüş gəmisi Hörmüz boğazında iki raketlə hədəf alınıb. Hadisə gəminin İran qüvvələrinin təkrar xəbərdarlıqlarını görməzdən gəlməsindən sonra baş verib.

Məlumata görə, raket zərbələri döyüş gəmisini dayandırmağa məcbur edib və gəmi geri çəkilərək təhlükəsiz əraziyə yönəldilib. ABŞ gəmisində heyət və zərər barədə əlavə məlumat açıqlanmayıb.

Cin Kavalyer: “Azərbaycanda jurnalistlər üçün vəziyyət ağır olaraq qalır”

3 may Ümumdünya Mətbuat Azadlığı Günü kimi qeyd olunur. Azərbaycan "Sərhədsiz Reportyorlar"ın bu ilki indeksində mətbuat azadlığı sahəsində dünyanın ən pis 10 ölkəsi sırasında yer alıb.

Təşkilatın Şərqi Avropa və Mərkəzi Asiya üzrə direktoru Cin Kavalyer "Toplum TV"-yə müsahibəsində Azərbaycanda mətbuat azadlığının vəziyyətindən və həbsdə olan jurnalistlərə dəstək kampaniyasından danışıb.

“Toplum TV işi”: 5 gündür quru aclıq edən Ramil Babayev məhkəməyə zorla gətirildiyini deyib

Mayın 4-də Bakı Ağır Cinayətlər Məhkəməsində “Toplum TV işi” üzrə növbəti məhkəmə iclası keçirilib.

“Toplum TV”nin məlumatına görə, hakim Azər Tağıyevin sədrliyi ilə baş tutan prosesdə əvvəlcə təqsirləndirilən şəxslərdən Demokratik Təşəbbüslər İnstitutunun (IDI) əməkdaşı Ramil Babayev çıxış edib. O bildirib ki, saxlanıldığı Bakı İstintaq Təcridxanasında şikayətlərinə baxılmadığı üçün 5 gündür quru aclıq edir.

Dünya liderləri 8-ci Avropa Siyasi Birliyi sammiti üçün Ermənistana gəlirlər

 

Təxminən 50 ölkədən dünya liderləri 8-ci Avropa Siyasi Birliyi sammiti üçün Ermənistanın paytaxtı İrəvanda toplaşıblar.

Dünya liderləri bazar günü "Gələcəyin Qurulması: Avropada Birlik və Sabitlik" şüarı altında keçirilən 8-ci Avropa Siyasi Birliyi görüşündən əvvəl İrəvana gəlməyə başlayıblar.

"İnter" çempion oldu

Futbol üzrə İtaliya A Seriyasında 2025/2026-cı illər mövsümünün qalibi müəyyənləşib.

XXXV turda öz meydanında "Parma"nı 2:0 hesabı ilə məğlub edən "İnter" vaxtından əvvəl çempionluğunu elan edib. Görüşdə qolları Markus Tyuram və Henrix Mxitaryan vurublar.

Bununla da xallarını 82-yə çatdıran "İnter" sona 3 tur qalmış qızıl medalları təmin edib. Milan təmsilçisi turnir cədvəlində ən yaxın izləyicisi "Napoli"ni (70 xal) 12 xal qabaqlayır.

ABŞ "Azadlıq Layihəsi" əməliyyatına 15000 hərbçi göndərəcək

Hörmüz boğazında ilişib qalan gəmiləri müşayiət etmək üçün "Azadlıq Layihəsi" əməliyyatına təxminən 15 min ABŞ hərbçisi, idarə olunan raket esminesi və 100-dən çox təyyarə göndəriləcək.

Bu barədə ABŞ Mərkəzi Komandanlığı (CENTCOM) məlumat verib.

"ABŞ-ın "Azadlıq Layihəsi"nə hərbi dəstəyi idarə olunan raket esminesi, 100-dən çox quru və dəniz təyyarəsi, müxtəlif pilotsuz platformalar və 15000 əsgəri əhatə edəcək", - məlumatda deyilir.

ABŞ-nin Aİ avtomobillərinə tariflərin artırılması bütün Avropaya zərbədir

ABŞ prezidenti Donald Trampın elan etdiyi Aİ avtomobillərinə tariflərin artırılması bütün Avropaya zərbədir.

Bunu Almaniya kansleri Fridrix Merz deyib.

O, bildirib ki, ABŞ-nin yeni idxal tariflərini xüsusilə Almaniyaya yönəlmiş bir tədbir kimi görmür

"Tramp bütün Avropaya zərbə vurmaq istəyir", - deyə Merz ifadə edib.

Əl-Əqsa məscidində təzyiqlər artır: İsrailin ibadətə mane olur

İsrailin müqəddəs məkanlara təzyiqi artır. Fələstin Vəqflər Nazirliyinin açıqlamasına görə, təkcə son bir ayda Əl-Əqsa Məscidinə 30-dan çox basqın edilib.

İsrail qüvvələrinin himayəsi altında keçirilən bu basqınlar zamanı yüzlərlə insanın məscidin həyətinə girərək təxribatçı hərəkətlər etdiyi bildirilib. Bəzi günlərdə basqınlarda iştirak edənlərin sayının 600-ü keçdiyi bildirilib.

Sevinc Vaqifqızı ikinci dəfə dünya üzrə “10 Ən Vacib” jurnalist siyahısında yer alıb

Vahid Azad Mətbuat Koalisiyası 3 May - Dünya Media Azadlığı Günü münasibətilə illik hazırladığı “10 Ən Vacib” siyahısını dərc edib.

“Həqiqəti söylədiklərinə görə həbs olunan jurnalistlərə” diqqət çəkmək üçün hazırlanan siyahıya bu il də Azərbaycandan “Abzas Media"nın baş redaktoru Sevinc Vaqifqızı daxil edilib.