“Xural TV" internet televiziyasının rəhbəri, jurnalist Əvəz Zeynallı sentyabrın 28-də vəfat edib.
Bu barədə həmkarları sosial mediada məlumat yayıblar.
Əvəz Zeynallı uzun müddət onkoloji xəstəlikdən əziyyət çəkirdi.
Jurnalist sonuncu dəfə 2025-ci ilin aprelində səhhəti ilə əlaqədar həbsdən azad edilib. Nizami Rayon Məhkəməsi onkoloji xəstəliyi səbəbindən onun cəzasının qalan hissəsini çəkməkdən azad olunmasına qərar vermişdi.
Jurnalist 2022-ci ilin sentyabrında saxlanılmışdı. 2024-cü il fevralın 26-da Bakı Ağır Cinayətlər Məhkəməsi onu rüşvət alma, dələduzluq və digər ittihamlarla 9 il azadlıqdan məhrum etmişdi. Həmin ilin dekabrında Ali Məhkəmə cəzanı 2 ay azaltmışdı. Zeynallı ittihamları rədd edir, həbsini jurnalist fəaliyyəti ilə əlaqələndirirdi.
Əvəz Zeynallı bundan əvvəl də, 2011-ci il oktyabrın 28-də, o vaxt deputat olan Gülər Əhmədovanın şikayəti əsasında həbs edilmişdi. 2013-cü ilin martında rüşvət alma, vergidən yayınma və məhkəmə qərarını icra etməmə ittihamları ilə 9 il həbs cəzası alan jurnalist 2014-cü il dekabrın 30-da prezidentin əfv sərəncamı əsasında azadlığa buraxılmışdı. Hüquq müdafiə təşkilatları jurnalistin həbsini onun tənqidi yazıları ilə əlaqələndirirdilər.
“Xural TV"nin rəhbəri, jurnalist Əvəz Zeynallı vəfat edib
“Xural TV" internet televiziyasının rəhbəri, jurnalist Əvəz Zeynallı sentyabrın 28-də vəfat edib.
Bu barədə həmkarları sosial mediada məlumat yayıblar.
Əvəz Zeynallı uzun müddət onkoloji xəstəlikdən əziyyət çəkirdi.
Jurnalist sonuncu dəfə 2025-ci ilin aprelində səhhəti ilə əlaqədar həbsdən azad edilib. Nizami Rayon Məhkəməsi onkoloji xəstəliyi səbəbindən onun cəzasının qalan hissəsini çəkməkdən azad olunmasına qərar vermişdi.
Jurnalist 2022-ci ilin sentyabrında saxlanılmışdı. 2024-cü il fevralın 26-da Bakı Ağır Cinayətlər Məhkəməsi onu rüşvət alma, dələduzluq və digər ittihamlarla 9 il azadlıqdan məhrum etmişdi. Həmin ilin dekabrında Ali Məhkəmə cəzanı 2 ay azaltmışdı. Zeynallı ittihamları rədd edir, həbsini jurnalist fəaliyyəti ilə əlaqələndirirdi.
Əvəz Zeynallı bundan əvvəl də, 2011-ci il oktyabrın 28-də, o vaxt deputat olan Gülər Əhmədovanın şikayəti əsasında həbs edilmişdi. 2013-cü ilin martında rüşvət alma, vergidən yayınma və məhkəmə qərarını icra etməmə ittihamları ilə 9 il həbs cəzası alan jurnalist 2014-cü il dekabrın 30-da prezidentin əfv sərəncamı əsasında azadlığa buraxılmışdı. Hüquq müdafiə təşkilatları jurnalistin həbsini onun tənqidi yazıları ilə əlaqələndirirdilər.