Avropa İttifaqı ictimai fəallarla bağlı məhkəmə qərarlarından təəssüfləndiyini bildirir

16/01/2025 - 11:46
Avropa İttifaqının Azərbaycandakı nümayəndəliyi ictimai fəalların və jurnalistin haqqında çıxarılmış son məhkəmə qərarlarından təəssüfləndiyini bildirir.
“Avropa İttifaqı Bəxtiyar Hacıyev, Rail Abbasov və İlhamiz Quliyev kimi aktivistlərin, Kanal 11-in jurnalisti Teymur Kərimov, eləcə də həmkarlar ittifaqı üzvü Afiyəddin Məmmədovun həbs cəzasına məhkum edilməsindən təəsüflənir”, sosial şəbəkədə yayılan açıqlamada qeyd olunur .
Aİ nümayəndəliyi həmçinin Azərbaycan hökumətinə müraciət edib: “Biz, fundamental hüquqlarının qorunmasına görə həbs olunanları azad etməyə çağırırıq”.