Bazar günü Pakistan təhlükəsizlik qüvvələri Əfqanıstanla sərhəddə yerləşən şimal-qərbi Xayber Paxtunxva əyalətində quru əməliyyatı keçirib.
Pakistanın informasiya və yayım naziri Attaullah Tararın X hesabında paylaşdığı məlumatda xəbər verir ki, əməliyyat nəticəsində 29 yaraqlı öldürülüb: "Təhlükəsizlik qüvvələri Pakistan-Əfqanıstan sərhədi boyunca yaxşı planlaşdırılmış, kəşfiyyat məlumatlarına əsaslanan quru əməliyyatı keçirib, ardınca sərhəd bölgəsində Camaat-ül-Əhrar və Fitna əl-Xəvaric (əvvəllər Tehrik-e-Taliban Pakistan və ya Pakistan Taliban Hərəkatı kimi tanınırdı -red.) terrorçuların sığınacaqlarına və düşərgələrinə qarşı dəqiq zərbələr endirib və 29 üsyançını öldürüb".
Yerüstü əməliyyat zamanı dəqiq zərbələr endirilib və Pakistan-Əfqanıstan sərhədi boyunca qruplara məxsus üç hədəf, o cümlədən silah və sursat anbarları məhv edilib.
Nazir vurğulayıb ki, Pakistanın terrorizmə qarşı əməliyyatları xaricdən dəstəklənən və sponsorluq edilən ölkənin təhlükəsizliyinə qarşı hər hansı bir təhdidi aradan qaldırmaq üçün "tam sürətlə" davam edəcək.
İslam Respublikası silahlı qüvvələrinin Xidmətlərarası İctimaiyyətlə Əlaqələr İdarəsinin məlumatına görə, təhlükəsizlik qüvvələri 2025-ci ildə 2597 yaraqlını öldürüb. Bu dövrdə Pakistanda 5397 terror hücumu qeydə alınıb və nəticədə 1235 nəfər həlak olub. Bu hücumların 70 faizindən çoxu Xayber Paxtunxvada, təxminən 29 faizi isə ölkənin cənub-qərbindəki Bəlucistan əyalətində baş verib. Hər iki bölgə Əfqanıstanla uzun bir sərhədə malikdir və Pakistan hakimiyyətinin məlumatına görə, terror düşərgələrinin yerləşdiyi yer buradır.
Musavat.com
Pakistan Əfqanıstan ərazisində quru əməliyyatı keçirib
Bazar günü Pakistan təhlükəsizlik qüvvələri Əfqanıstanla sərhəddə yerləşən şimal-qərbi Xayber Paxtunxva əyalətində quru əməliyyatı keçirib.
Pakistanın informasiya və yayım naziri Attaullah Tararın X hesabında paylaşdığı məlumatda xəbər verir ki, əməliyyat nəticəsində 29 yaraqlı öldürülüb: "Təhlükəsizlik qüvvələri Pakistan-Əfqanıstan sərhədi boyunca yaxşı planlaşdırılmış, kəşfiyyat məlumatlarına əsaslanan quru əməliyyatı keçirib, ardınca sərhəd bölgəsində Camaat-ül-Əhrar və Fitna əl-Xəvaric (əvvəllər Tehrik-e-Taliban Pakistan və ya Pakistan Taliban Hərəkatı kimi tanınırdı -red.) terrorçuların sığınacaqlarına və düşərgələrinə qarşı dəqiq zərbələr endirib və 29 üsyançını öldürüb".
Yerüstü əməliyyat zamanı dəqiq zərbələr endirilib və Pakistan-Əfqanıstan sərhədi boyunca qruplara məxsus üç hədəf, o cümlədən silah və sursat anbarları məhv edilib.
Nazir vurğulayıb ki, Pakistanın terrorizmə qarşı əməliyyatları xaricdən dəstəklənən və sponsorluq edilən ölkənin təhlükəsizliyinə qarşı hər hansı bir təhdidi aradan qaldırmaq üçün "tam sürətlə" davam edəcək.
İslam Respublikası silahlı qüvvələrinin Xidmətlərarası İctimaiyyətlə Əlaqələr İdarəsinin məlumatına görə, təhlükəsizlik qüvvələri 2025-ci ildə 2597 yaraqlını öldürüb. Bu dövrdə Pakistanda 5397 terror hücumu qeydə alınıb və nəticədə 1235 nəfər həlak olub. Bu hücumların 70 faizindən çoxu Xayber Paxtunxvada, təxminən 29 faizi isə ölkənin cənub-qərbindəki Bəlucistan əyalətində baş verib. Hər iki bölgə Əfqanıstanla uzun bir sərhədə malikdir və Pakistan hakimiyyətinin məlumatına görə, terror düşərgələrinin yerləşdiyi yer buradır.
Musavat.com