26 June 2026

Azərbaycanda bu il azı 25 hərbçi qeyri-döyüş şəraitində vəfat edib

Bu gün Azərbaycanda Silahlı Qüvvələr Günü qeyd olunur.

Azərbaycan ordusunda qeyri-döyüş şəraitində ölüm halları isə əvvəlki illərdə olduğu kimi davam edir.

Xəzər Hərbi Tədqiqatlar İnstitutunun iyunun 22-ə olan məlumatına görə, bu il Azərbaycanda azı 25 hərbçi qeyri-döyüş şəraitində vəfat edib.

İsrail atəşkəsə baxmayaraq Livana hücumlarını davam etdirir

İsrail atəşkəsə və ABŞ-İran razılaşmasına baxmayaraq Livana hücumlarını davam etdirib. Məlumata görə, bu razılaşmaya Livan da daxil olub.

Livan rəsmi agentliyi NNA-nın məlumatına görə, İsrail döyüş təyyarələri səhər saatlarında Yuxarı Nəbatiyyə şəhəri ətrafındakı ərazini iki ayrı hava hücumu ilə hədəfə alıb.

Zabil Qəhrəmanovun cinayət işi məhkəməyə göndərilib

Xuliqanlıq və dələduzluqda təqsirləndirilərək həbs olunan vəkil Zabil Qəhrəmanovun cinayət işi məhkəməyə göndərilib.

İş araşdırılması üçün Gəncə Şəhər Məhkəməsində hakim Ülkər Babazadənin icraatına verilib.

Qeyd edək ki, Zabil Qəhrəmanov ötən ilin oktyabrında saxlanılıb. Gəncə Şəhər Məhkəməsinin qərarına əsasən, barəsində həbs qətimkan tədbiri seçilib.

2025-ci ildə Azərbaycanda bir ailə üzvünün orta aylıq istehlak xərci 384 manat olub

Dövlət Statistika Komitəsinin 10 min ev təsərrüfatı arasında keçirdiyi sorğunun nəticələrinə görə, şəhərlərdə bu göstərici 398 manat, kənd yerlərində isə 368 manat təşkil edib.

DSK-nın “Ev təsərrüfatlarına dair” 2025-ci il hesabatında bildirilir ki, əhalinin nominal istehlak xərcləri 2024-cü illə müqayisədə 5,8 faiz artıb.

Ən çox artım nəqliyyat, mehmanxana, kafe və restoran, tütün məmulatları, həmçinin istirahət və mədəniyyət xidmətlərində qeydə alınıb.

DÇ-2026: Türkiyə mundialı qələbə ilə başa vurub

2026-cı il dünya çempionatında III turun oyunları davam edir.

İkinci oyun günündə D qrupunun iki görüşü baş tutub.

Paraqvay millisi Avstraliya ilə qarşılaşıb. Oyun başladığı kimi də başa çatb: 0:0. Avstraliya 4 xalla qrupu ikinci, eyni xalla Paraqvay isə 3-cü pillədə başa vurub. Hər iki komanda adını 1/16 finala yazdırmağı bacarıb.

Hörmüz boğazında yük gəmisi vurulub

İran İnqilab Keşikçiləri İranın icazəsi olmadan gəmilərin keçməsinin qanunsuz olduğu barədə xəbərdarlıq etdikdən bir neçə saat sonra, BMT-nin dəstəklədiyi yeni Oman marşrutunda yük gəmisi hücum nəticəsində zədələnib. Hadisə Britaniya hərbçiləri tərəfindən elan edilib. BMT-nin dəstəklədiyi yeni Oman marşrutundan istifadə edərək Hörmüz boğazından keçən yük gəmisi cümə axşamı günü silahlı hücuma məruz qalıb; Britaniya hərbçilərinin məlumatına görə, gəminin körpüsü zədələnib, lakin heç bir itki və ya ətraf mühitin çirklənməsi olmayıb.