Qusar rayonunda törətdiyi cinayət əməllərinə görə axtarışda olan şəxs saxlanılarkən odlu silahla polis əməkdaşlarına müqavimət göstərib.
Görülən tədbirlərlə R.Rəsulov zərərsizləşdirilib. Sosial mediada yayılan məlumatlara görə R.Rəsulov 16 yaşlı bacısı qızına qarşı təcavüz cinayətində şübhəli bilinib və bu kimi əməllərə görə axtarışda olub.
Hadisə yerindən tapança aşkar olunaraq götürülüb.
Araşdırmalar davam etdirilir.
İran dövlət televiziyası İran və ABŞ arasında mümkün anlaşma memorandumunun qeyri-rəsmi çərçivə sənədinin mətnini yayıb.
Sənədə əsasən, bir ay ərzində Hörmüz boğazında normal gəmiçiliyin bərpa olunması nəzərdə tutulur.
Sənədə görə, ABŞ İranın dəniz blokadasının aradan qaldırılmasına dair öhdəlik götürüb. Bunun müqabilində İran bir ay ərzində ticarət gəmilərinin keçid sayını müharibədən əvvəlki səviyyəyədə bərpa etməyi öhdəsinə götürüb.
Qurban bayramının ilk günü işğal altındakı Qüdsdə yerləşən Əl-Əqsa məscidində təxminən 140 min fələstinli bayram namazı qılıb.
Məlumat işğal altındakı Qüdsün İslam Vəqfləri İdarəsi tərəfindən açıqlanıb.
Qurumun məlumatına görə, bu il bayram namazında iştirak edənlərin sayı yüz minləri ötüb.
İsrail Müdafiə Qüvvələri (IDF) “Hizbullah”ın obyektlərinə zərbələr endirib.
Bu barədə IDF məlumat yayıb.
IDF-in məlumatına görə, “Hizbullah”ın Bəqa vadisi və Livanın cənubundakı infrastruktur obyektlərinə zərbələr endirilib.
Xatırladaq ki, martın 2-də hərbi eskalasiya başlayandan bəri İsrailin Livan ərazisinə intensive hücumları nəticəsində həlak olan mülki livanlıların ümumi sayı 3185-ə, 9633 nəfər isə yaralanıb.
Tbilisi Dövlət Universitetinin önündən “Müxalif Alyansı” tərəfindən təşkil olunan yürüş aksiyası Rustaveli Prospektinin önündə baş tutub.
Aksiya iştirakçıları avtomobil yolunu bağlayıb, Gürcüstan və Avropa İttifaqı bayraqları, həmçinin plakatlarla parlament binası istiqamətində "Yaşasın Gürcüstan" şüarları ilə hərəkətlə gəliblər.
Hadisə yerində “Müxalif Alyans”a daxil olan müxalifət partiyaların liderləri, üzvləri və sıravi vətəndaşlar iştirak edirlər.
Zənginləşdirilmiş uran məsələsi İran və ABŞ arasında gedən danışıqların gündəliyində deyil.
İranın futbol üzrə milli komandası gələn ay başlayacaq dünya çempionatında oyunlarını ABŞ-də keçirəcək, lakin Meksikada məşq edəcək və gecələyəcək.
Qərarı ilk olaraq İran Futbol Federasiyası və Beynəlxalq Futbol Federasiyaları Assosiasiyası (FIFA) mayın 25-də elan edib. Meksika prezidenti Klaudia Şeynbaum da xəbəri təsdiqləyib.
Birləşmiş Ştatlar BMT-də Kiyev və Qərb ölkələrinin Rusiyaya qarşı qəbul etdiyi birgə bəyanata dəstək verməyib.
Bu barədə məlumat Ukraynanın BMT yanındakı daimi nümayəndəsi Andrey Melnik tərəfindən oxunan bəyanatda yer alıb və AFP agentliyi tərəfindən yayılıb.
Sözügedən sənədə Yaponiya, Cənubi Koreya, Macarıstan və Slovakiya da daxil olmaqla, 50-yə yaxın ölkə qoşulub. Avropa İttifaqı da bir təşkilat olaraq sənədi bütövlüklə dəstəkləyib.
Qurban bayramının ilk günü səhər saatlarından etibarən Hacc ziyarətçiləri Minada yerləşən cəmrələr sahəsinə toplaşaraq “Böyük Cəmrə”nin daşlanması mərasiminə başlayıblar.
İbadət qaydasına uyğun olaraq zəvvarlar Böyük Cəmrəyə yeddi daş ataraq mərasimi icra edirlər.
Bu mərhələ hacc ibadətinin əsas rituallarından biri hesab olunur.
Rusiya Ermənistana rüsumsuz qaz tədarükü ilə bağlı müqaviləni dayandıra və ya ləğv edə bilər.
Bu barədə "Kommersant" qəzeti Rusiyanın Energetika naziri Sergey Tsivilevin Ermənistan Ərazi İdarəetmə və İnfrastruktur Nazirliyinə göndərdiyi məktuba istinadən xəbər yayıb.
2026-cı ilin əvvəlindən ABŞ-da baş verən silahlı insidentlər nəticəsində 5 mindən çox insan həyatını itirib.
Qurban bayramı bütün müsəlman aləmində hər il hicri təqvimi ilə zilhiccə ayının 10-cu günündən başlayır.
Bu il müvafiq tarix miladi təqvimlə mayın 27-nə təsadüf edir.
Bu anlar Məkkədə hacılar qurban kəsməklə bu İlahi ayini icra edirlər. Məkkə xaric digər məkanlarda qurban kəsmək müstəhəbb (bəyənilən) əməl sayılır. Məkkədə isə bu əməl vacibdir.
