Yəmən, Qəzza və İran üçün meydanlardadır

Yəməndə minlərlə insan Qəzza və İran üçün bir araya toplaşıb. Yəmənlilər ABŞ və İsrail əleyhinə şüarlar səsləndirib, İran və Qəzzaya həmrəylik nümayiş etdiriblər.

Yəməndə “Əl-Əqsa Tufanı” əməliyyatından sonra ənənə halını aldığı kimi Qəzzə üçün həmrəylik mitinqi keçirilib.

Mitinqdə bu həftə İsrailə qarşı əməliyyatlar keçirən İrana dəstək şüarları da səsləndirilib.

Minlərlə yəmənli əllərində Ənsarullah lideri Əbdülməlik əl-Husi və İslam İnqilabının Rəhbəri Ayətullah Xameneinin plakatlarını götürüblər.

İran bayraqları daşıyan yəmənlilər “ABŞ və İsrailə ölüm” şüarları səsləndiriblər.

İsrailin İrana hücumlarını pisləyən pankartlar daşıyan insanlar İranla, Qəzzə ilə həmrəylik hisslərini dünya ilə bölüşüblər.

2023-cü il oktyabrın 7-də Yəməndə keçirilən Əl-Əqsa Tufanı əməliyyatından sonra hər həftə cümə namazından sonra Qəzza ilə həmrəylik mitinqləri keçirilir.

Ənsarullahın rəhbərlik etdiyi Yəmən İsrailə qarşı döyüşür.