Activities calendar

Operativtv.com Rasthaber - ə istinadən xəbər verir ki, Türkiyə Suriyanın şimalında separatçı terror təşkilatı PKK/YPG-yə qarşı quru əməliyyatına fokuslanarkən, Yunanıstan Egeydə təxribatlarını davam etdirir. Yunan ordusu 1923-cü il Lozanna Sülh Müqaviləsinə görə tərksilah vəziyyətində olan Lesbos adasında və 1947-ci il Paris Sülh Müqaviləsi ilə silahların saxlanılmaması lazım olan Rodos adasında hərbi təlimlər keçirib. Lesvosda iki gün davam edən təlimdə Kiowa və Apache hücum helikopterləri, tankerlər və artilleriya bölmələri iştirak edib.

Türkiyənin cənub-şərqindəki Şanlıurfa şəhərinin Akçakal rayonunda evdə baş verən partlayış nəticəsində ən azı 4 nəfər yaralanıb.

Operativtv.com Unikal-a istinadən xəbər verir ki, polisin ilkin versiyasına görə, partlayış sexlərin yerləşdiyi altı mərtəbəli binanın birinci mərtəbəsində baş verib. Partlayış dalğasından binadakı tavanlar qismən uçub, qonşu evlərdə pəncərələr sınıb, küçədə dayanan avtomobillərə ziyan dəyib.

Hadisə yeri əhatəyə alınıb, araşdırma aparılır.

Pakistanın Hayber-Paxtunxva əyalətində terrorçuların polis maşınına hücumu nəticəsində 3 polis ölüb.

Operativtv.com APA-ya istinadən verdiyi xəbərə görə, əyalətdə əməliyyata başlanıb, hadisə ilə bağlı araşdırma aparılır.

Operativtv.com Amerikanın Səsi-nə istinadən xəbər verir ki, iş otağında tabeliyindəki işçilərlə intim videoları yayılan Fövqəladə Hallar Nazirliyinin (FHN) Dövlət Yanğından Mühafizə Xidmətinin rəisinin sabiq köməkçisi, polkovnik Zaur Mirzəyev barəsində cinayət işinin istintaqı yekunlaşıb.

İş Bakı Ağır Cinayətlər Məhkəməsinə göndərilib. Yaxın günlərdə işə baxılacaq. Bu barədə məhkəmədən bildiriblər.

Operativtv.com Rasthaber - ə istinadən xəbər verir ki, Bəhreyn inqilabının mənəvi lideri Şeyx İsa Qasim Manama səfəri zamanı İsrail rejimin başçısı İshaq Hersoqun tvitinə reaksiya verib. Şeyx öz Tvitter hesabında deyib: Sionist rejimlə münasibətləri normallaşdırmaq vətənə xəyanətdir və sionist rejim prezidentinin pis addımları ilə Bəhreyni çirkləndirmək millətimizin şərəfinin ödəyə bilməyəcəyi rüsvayçılıqdır.

Argentina millisi 1/4 final mərhələsinə vəsiqə qazanıb. 

Operativtv.com Unikal-a istinadən xəbər verir ki, Cənubi Amerika təmsilçisi 1/8 finalda Avstraliyanı 2:1 hesabı ilə məğlub edib

Komanda 1/4 finalda Niderlandla üz-üzə gələcək. Matç dekabrın 9-da baş tutacaq. 

İranda yeni atom elektrik stansiyasının inşası start götürüb.

Operativtv.com Az.shafaqna.com-a istinadən xəbər verir ki, 300 MVt gücündəki “Qarun” AES ölkənin cənub-qərbində yerləşən Xuzistan əyalətinin Darhoveyn şəhərində tikiləcək.

PWR (su-su nüvə reaktoru) tipli AES Qarun çayı rayonunda təxminən 50 hektar ərazidə inşa ediləcək.

İsrail Prezidenti İsaak Hersoq Bəhreynə səfər edib.

Operativtv.com APA-ya istinadən xəbərinə görə, bu barədə İsrail Prezident ofisi məlumat yayıb.